ເນື່ອງໃນໂອກາດວັນສ້າງຕັ້ງສະຫະພັນເເມ່ຍິງລາວ ຄົບຮອບ 70 ປີ (20/07/1955-20/07/2025)

ເຜີຍ​ແຜ່​ໂດຍ​: moderator ເວ​ລາ: 24/07/2025 13:53:23 ຈຳ​ນວນ​​ຢ້ຽມ​ຊົມ 2581 ຄັ້ງ ​

     ເນື່ອງໃນໂອກາດສະເຫຼີມສະຫຼອງວັນສ້າງຕັ້ງສະຫະພັນເເມ່ຍິງລາວ ຄົບຮອບ 70 ປີ (20/07/1955-20/07/2025), ໃນຕອນບ່າຍຂອງວັນທີ 23ກໍລະກົດ 2025, ສະຫະພັນເເມ່ຍິງ ຄະນະພົວພັນຕ່າງປະເທດສູນກາງພັກ ໄດ້ໄປທັດສະນະສຶກສາ ແລະ ທ່ຽວຊົມ ຫໍພິພິທະພັນສິລະປະລາວ ນໍາໂດຍ ສະຫາຍ ນາງ ສຸກສະຫວັນ ເເກ້ວວິໄລວັນ, ປະທານສະຫະພັນເເມ່ຍິງ ຄຕພ ພ້ອມດ້ວຍສະມາຊິກ ສະຫະພັນ ເເມ່ຍິງ ຄຕພ ຈໍານວນ 45ສະຫາຍ ເຂົ້າຮ່ວມ.

     ຈຸດປະສົງຂອງການໄປທັດສະນະສຶກສາ ແລະ ທ່ຽວຊົມ ຫໍພິພິທະພັນສິລະປະລາວ ໃນຄັ້ງນີ້ ເເມ່ນເພື່ອເປັນການສະເຫຼີມສະຫຼອງວັນສ້າງຕັ້ງສະຫະພັນເເມ່ຍິງລາວ ຄົບຮອບ 70 ປີ ໃຫ້ເປັນຂະບວນການຟົດຟື້ນກວ້າງຂວາງ ເເລະ ເພື່ອເຮັດໃຫ້ສະມາຊິກສະຫະພັນເເມ່ຍິງ ຄຕພ ໄດ້ຮຽນຮູ້ເຖິງສີໄມ້ລາຍມື ແລະ ຄຸນຄ່າຂອງຜົນງານ ໂດຍຜ່ານການເເກະສະຫຼັກໄມ້ຫຼາກຫຼາຍຊະນິດທີ່ເຕັມໄປດ້ວຍຄວາມສວຍງາມ, ໜ້າສົນໃຈ ແລະ ເປັນເອກະລັກຂອງວັດທະນະທໍາລາວ. ພ້ອມນັ້ນ, ກໍຍັງເປັນສະຖານທີ່ທ່ອງທ່ຽວທີ່ເປັນການອະນຸລັກຮີດຄອງປະເພນີລາວ, ສິລະປະວັດທະນະທໍາລາວເເຕ່ເໜືອເຖິງໃຕ້ ໂດຍໄດ້ຖ່າຍທອດຜ່ານການເເກະສະຫຼັກລວດລາຍຕ່າງໆທີ່ມີຄວາມປານີດ ເພື່ອພ້ອມກັນປົກປັກຮັກສາມູນມໍລະດົກອັນລໍ້າຄ່ານີ້ໃຫ້ຢູ່ຄູ່ກັບຄົນລາວສືບໄປ.

---