ເວົ້າເຖິງພະນັກງານການນຳ

ເຜີຍ​ແຜ່​ໂດຍ​: admin ເວ​ລາ: 19/05/2022 22:27:44 ຈຳ​ນວນ​​ຢ້ຽມ​ຊົມ 776 ຄັ້ງ ​

“ ຜູ້ນຳພາຕ້ອງເປັນແບບຢ່າງໃນທຸກດ້ານ ເພື່ອໃຫ້ສະມາຊິກພັກຜູ້ອື່ນໆເອົາເປັນແບບຢ່າງ ”

« ສິ່ງທີ່ຄວນຫຼີກເວັ້ນແທ້ໃນຂົງເຂດຄຸນສົມບັດສິນທຳແມ່ນ:ປາກຫວານດັ່ງນ້ຳອ້ອຍ, ໃຈສົ້ມດັ່ງຫມາກນາວຄວາມເວົ້າບໍ່ສອດຄ່ອງກັບການກະທຳ, ມີແຕ່ໂຄສະນາຄຸນສົມບັດສິນທໍາແບບນ້ຳເຕົ້າເປົ່າ, ຕັກເຕືອນສັ່ງສອນຜູ້ອື່ນຕ້ອງເຮັດແນວນັ້ນ, ແນວນີ້, ແຕ່ຕົນເອງຊ້ຳພັດບໍ່ເປັນແບບຢ່າງ >>.

<< ໃຜໆກໍຮູ້ດີວ່າຖ້າພະນັກງານຂັ້ນສູງຂອງພັກບໍ່ເປັນແບບຢ່າງທາງດ້ານຄຸນສົມບັດສິນທຳແລ້ວ ມັນກໍຈະສົ່ງຜົນສະທ້ອນ ບໍ່ດີເຖິງຂັ້ນລຸ່ມ ແລະ ໃນເວລານັ້ນ ໂລຊິກຂອງການດຳລົງຊີວິດກໍ. ຈະພາໄປສູ່ສະພາວະ ທີ່ວ່າ : “ເຮືອນຮົ່ວມາແຕ່ແປ” >>.

<< ບັນຫາອິດທິພົນແມ່ນເປັນສິ່ງທີ່ສໍາຄັນເປັນທີ່ສຸດ​ສຳລັບຜູ້ນຳແຕ່ອິດທິພົນບໍ່ແມ່ນຈະມີເອງໄດ້, ມັນຮຽກຮ້ອງຕ້ອງໄດ້ຜ່ານຂະບວນວິວັດແຫ່ງການສູ້ຊົນ, ຝຶກຝົນຫຼໍ່ຫຼອມຂອງແຕ່ລະຄົນ >>

<< ຢາກໃຫ້ມີອິດທິພົນແມ່ນຍາກແທ້, ແຕ່ຢາກໃຫ້ອິດທິພົນເສື່ອມເສຍແມ່ນງ່າຍທີ່ສຸດ, ພຽງແຕ່ຕົນເອງລະເຫຼີງໄປນາທີດຽວ, ບໍ່ເປັນເຈົ້າຕົນເອງ ໄດ້ປ່ອຍປະໃຫ້ຊີວິດເປັນໄປຕາມກາມມະຕັນຫາ, ສັນຊາດຍານອັນຕໍ່ຊ້າແລ້ວ, ອິດທິພົນເຖິງຈະຫຼາຍປານໃດກໍຈະເສຍໄປຢ່າງປັດຈຸບັນທັນດ່ວນ ແລະ ໃນເວລານັ້ນກໍຈະນຳພາມະຫາຊົນໄດ້ຍາກທີ່ສຸດ >>

 

( ຄັດຈາກບົດຄວາມເຫັນຂອງ ປະທານ ໄກສອນ ພົມວິຫານຕໍ່ກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ II ສະໄຫມທີ IV ວັນທີ 30 ພະຈິກ 1986 ).

---